आता घरबसल्या तुमच्या मोबाईलवरच करता येणार रेशन कार्डसाठी केवायसी
शासनाने शिधापत्रिकाधारकांना ई-केवायसी करणे बंधनकारक केले आहे. स्वस्त धान्य दुकानातून ई-पॉस मशीनद्वारे मोफत केवायसी केले जात आहे, परंतु लहान मुले आणि वृद्ध लोकांना बोटांचे ठसे आणि डोळ्यांद्वारे स्कॅन करताना अडचणी येत आहेत.
या पार्श्वभूमीवर शासनाने Mera E-KYC Mobile App कार्यरत केले आहे. आता लाभार्थी स्वस्त धान्य दुकानात न जाता काही मिनिटांत स्वतःचे आणि त्यांच्या कुटुंबाचे ऑनलाइन eKYC कसे करावे? याचे उत्तर मिळवू शकतात.
अंत्योदय आणि प्राधान्य कुटुंब लाभार्थी घरबसल्या काही मिनिटांतच आपली ई-केवायसी पूर्ण करू शकतात. राज्य सरकारने NIC च्या सहकार्याने लाभार्थ्यांच्या सोयीसाठी Mera E-KYC हे ॲप सुरू केले आहे. यामुळे लाभार्थ्यांना प्रत्यक्ष रास्त भाव दुकानावर न जाता घरबसल्या ई-केवायसी पूर्ण करता येईल.
मुख्य वैशिष्ट्ये
१) घरबसल्या सोप्या पद्धतीने ऑनलाइन eKYC कसे करावे?
२) फेस ऑथेंटिकेशन तंत्रज्ञानाद्वारे झटपट पडताळणी.
३) रास्त भाव दुकानदार किंवा इतर कोणताही सदस्य ई-केवायसी करू शकतो.
४) आधार क्रमांक मोबाईलशी लिंक असणे आवश्यक.
रेशन कार्डसाठी केवायसी कसे करावे? (Step-by-Step मार्गदर्शन)
१) प्ले स्टोअरवरून खालील दोन ॲप डाउनलोड करा:
- Mera E-KYC Mobile App डाऊनलोड करा
- Aadhaar Face RD Service App डाऊनलोड करा
२) ॲप इन्स्टॉल करून सेटअप करा.
३) Mera E-KYC Mobile App उघडा आणि पुढील स्टेप्स फॉलो करा:
- राज्य: महाराष्ट्र निवडा.
- आधार क्रमांक टाका आणि आधारशी संलग्न मोबाईलवर आलेला OTP प्रविष्ट करा.
- दिलेल्या कोडची नोंद करा.
४) Face Authentication करून पडताळणी करा:
- समोरचा कॅमेरा सुरू करून चेहरा स्कॅन करा.
- स्क्रीनवर दिलेल्या सूचनांनुसार डोळ्यांची उघडझाप करा.
- दुसऱ्या व्यक्तीची केवायसी करत असल्यास बॅक कॅमेरा वापरा.
५) सत्यापन पूर्ण:
- यशस्वी पडताळणी झाल्यास लाभार्थ्याची माहिती रास्त भाव दुकानाच्या ई-पॉस मशीनवर दिसेल.
- ॲपमध्ये “E-KYC Status” तपासा.
- जर “E-KYC Status – Y” दिसत असेल, तर प्रक्रिया पूर्ण झाली आहे.
अत्यंत महत्त्वाचे
- ही सेवा फक्त महाराष्ट्रातील लाभार्थ्यांसाठी उपलब्ध आहे.
- महाराष्ट्राबाहेर स्थलांतरित लाभार्थ्यांसाठी IMPDS KYC पर्यायाचा उपयोग करावा.
- शेवटची तारीख: ३१ मार्च २०२५ (परंतु २८ फेब्रुवारी २०२५ पर्यंत जास्तीत जास्त लाभार्थ्यांनी ई-केवायसी पूर्ण करावी).
महाराष्ट्रातील रेशन कार्ड EKYC ची वेबसाइट कोणती आहे?
महाराष्ट्रातील रेशन कार्डसाठी EKYC करण्यासाठी Mera E-KYC Mobile App वापरावे. तसेच अधिक माहितीसाठी महाराष्ट्र राज्य शिधापत्रिका विभागाच्या अधिकृत वेबसाइटला भेट द्या.
केवायसी कुठे करायची?
- घरबसल्या Mera E-KYC Mobile App चा वापर करून.
- स्वस्त धान्य दुकानातून ई-पॉस मशीनद्वारे.
रेशन कार्डसाठी eKYC ची ही प्रक्रिया सोपी आणि सुलभ असून, ती घरबसल्या करण्यासाठी उपयुक्त आहे. त्यामुळे कोणत्याही लाभार्थ्यांना अन्नधान्यापासून वंचित राहावे लागू नये.
हे पण पहा –
गुगल पे लोन स्कीम: Google Pay कडून 1 लाख रुपयांपर्यंत कर्ज मिळवा; संपूर्ण प्रक्रिया जाणून घ्या.