गॉलच्या आखातात तयार झालेल्या ‘फेंगल’ चक्रीवादळाचा परिणाम महाराष्ट्रात दिसू लागला आहे. महाराष्ट्रात ठिकठिकाणी अवकाळी पाऊस पडत आहे. तसेच राज्यातील वाढलेली गारपीट कमी झाली आहे.
सध्या मुंबई शहर आणि उपनगरात हलका पाऊस पडत आहे. ठाणे, कल्याण, डोंबिवली, विरार, पालघरमध्येही पावसाला सुरुवात झाली आहे. तसेच अरबी समुद्रात कमी दाबाचे क्षेत्र निर्माण झाल्यामुळे आज राज्यभर पावसाचा इशारा देण्यात आला आहे.
दक्षिण भारतात आलेल्या चक्रीवादळाचा महाराष्ट्रावर विपरीत परिणाम होत असल्याचे हवामान खात्याने म्हटले आहे. त्यामुळे राज्यात काही ठिकाणी अवकाळी पाऊस सुरू झाला आहे. मुंबईत आज ढगाळ वातावरण पाहायला मिळत आहे. मुंबईतही काही ठिकाणी हलक्या सरी कोसळत आहेत. विशेषत: मुंबई थंड असताना फेंगल चक्रीवादळामुळे पुन्हा एकदा तापमानात वाढ झाली आहे.
अरबी समुद्रातील कमी दाबाच्या क्षेत्राच्या तीव्रतेमुळे मुंबईत ढगाळ वातावरण निर्माण झाले आहे. आर्द्रतेतही वाढ झाली आहे. राज्यभर पावसाचा इशारा देण्यात आला आहे. अरबी समुद्रात कमी दाबाचे क्षेत्र निर्माण झाल्यामुळे राज्यभर पावसाचा इशारा देण्यात आला आहे. 5 ते 7 डिसेंबर दरम्यान राज्यातील नऊ जिल्ह्यांसाठी यलो अलर्ट जारी करण्यात आला आहे.
‘या’ जिल्ह्यांसाठी यलो अलर्ट
रत्नागिरी – ५ डिसेंबर
सिंधुदुर्ग – ५ आणि ६ डिसेंबर
पुणे – ५ डिसेंबर
कोल्हापूर – 5, 6, 7 डिसेंबर
सातारा – ५ डिसेंबर
लातूर – ५ डिसेंबर
धाराशिव – ५ डिसेंबर
जालन्यात पावसाचा फटका फळबागांना
जालना जिल्ह्यातील अनेक भागातही पावसाने हजेरी लावली आहे. जालन्यातील पिरकल्याण, वरुड, कडवंची या गावात पहाटे साडेपाच ते सहा दरम्यान रिमझिम पाऊस झाला. या पावसामुळे रब्बी हंगामातील तूर, हरभरा, उन्हाळी मका या पिकांचे नुकसान होण्याची शक्यता आहे. त्याचबरोबर फळबागांनाही या पावसाचा फटका बसला आहे.
वाशिममध्ये पावसाला सुरुवात, शेतकरी चिंतेत
त्यासोबतच वाशिम जिल्ह्यात गेल्या तीन दिवसांपासून ढगाळ वातावरण पाहायला मिळत आहे. त्यानंतर आज सकाळच्या सुमारास वाशिममध्ये अवकाळी पावसाचे आगमन झाले.
रिसोड, मालेगाव, वाशिम तालुक्यातील काही भागात सध्या रिमझिम पाऊस पडत आहे. त्यामुळे वातावरणातील आर्द्रता वाढली आहे. या पावसामुळे रब्बी पिकांवर अळीचा प्रादुर्भाव वाढण्याची शक्यता आहे. तसेच पावसाचा जोर वाढल्यास तूर पिकाचे मोठे नुकसान होणार आहे. त्यामुळे शेतकऱ्यांमध्ये चिंतेचे वातावरण आहे.